Tuyda çıqqan yanğında yözlägän keşe ülde

Ğıyraqnıñ Musul şähärendä ber tuy salonında çıqqan yanğında 100 keşeneñ ğomere özelde.

Musul sälamätlek saqlaw idaräse citäkçese urınbasarı Äxmät Xamdani cirle matbuğatqa beldergänçä, waqıyğada yaralanuçılar da bik küp, 500läp keşe törle däräcädä zarar kürgän.

Yanğınnıñ feyerverk arqasında başlanuı bilgele. Ut çıqqanda tuy salonında 800 keşe bulğan.

Waqıyğa bulğan urınğa kürşe töbäklärdän dä küp sanda yanğın sünderüçe häm aşığıç yärdäm maşinaları kilä.