"Abrams" tankları Ukraina frontına çığa
AQŞ cibärgän 31 tanknı tizdän qullana başlayaçaqlar
2039603
Amerika Quşma Ştatlarınıñ saqlanu ministrı Lloyd Ostin ilennän cibärelgän “Abrams” tanklarınıñ tizdän Rusiyä belän suğışuçı Ukraina armiyäsendä qullanıla başlayaçağın belderde. Ul Germaniyäneñ Ramşteyn bazasında oyıştırılğan 15nçe “Ukrainanı saqlaw kontakt törkeme” cıyılışı aldınnan çığış yasadı.
Ostin AQŞ häm başqa xezmättäşläreneñ Ukrainağa saqlanu yärdäme yöklämäläreneñ 76 milliard dollardan artuın äytte häm älege ilgä alğa taba da bulışaçaqların söyläde. Ul Ukraina oçuçılarına F-16larnı qullanu öçen ütkäreläçäk öyränülärneñ AQŞta başlanaçağın da citkerde.
AQŞ saqlanu ministrlığı Ukrainağa bireläçäk 31 “Abrams” tankın frontqa cibärer aldınnan Germaniyäneñ Grafenver şähärenä kiterde. Biredä ukrain ğaskärläre öyränülär uzdı.
