Marokkoda cirteträw
Marokkoda barlıqqa kilgän 7 zurlığındağı cirteträwdä, berençel mäğ’lümatlärgä qarağanda, kim digändä 820 keşeneñ ğomere özelgän
Marokko milli geofizika institutı Marakeş qalasında barlıqqa kilgän zilziläneñ il tarixında soñğı ğasırdağı iñ zur cirteträw buluın beldrede.
İnstitut 8 çaqrım tiränlektä barlıqqa kilgän cirteträwneñ êpiśentrınıñ (эпицентрының) ilneñ tön’yağındağı Marakeşneñ Äl-Huz töbäge buluın citkerde.
Marokko êçke êşlär ministrlığınnan yasalğan belderüdä ilneñ bik küp şähärendä xis itelgän cirteträwdä, berençe mäğ’lümatlärgä kürä, 820 keşeneñ häläq buluı äytelde.
Ülemnär yäşängän şähärlär arasında Marakeş, Azilal, Agadir, Varzazat häm Çiçaouanıñ buluı belderelde.
İl matbuğatı Marokkoda cirle waqıt belän säğät 23.10 tiräsendä terkälgän cirteträwneñ başqala Rabat belän bergä Kasablanka, Meknes, Agadir häm Fes şähärlärendä xis itelüen yaza.
Zilzilädä Marakeşneñ tarixi şähär divarlarınıñ ber öleşeneñ dä zıyan kürüe xäbär itelde.
Şul uq waqıtta Törkiyä, Marokkonıñ qayğısın urtaqlaşıp, teläktäşlek yullamasın yasadı.
İlbaşı Räcäp Tayyip Ärdoğan: “Şuşı awır könendä böten mömkinleklärebez belän Marokkolı qardäşlärebezneñ yanında bez”, - dip äytte.
“Törek Qızılay” cämğıyäte dä sośial media akkauntınnan urtaqlaşqan yazmasında Marokkonıñ Marakeş şähärendä barlıqqa kilgän cirteträwdän soñ afat törkemnäreneñ waqıyğalarnı iğ’tibar belän küzätep baruı belderelde.
