Braziliyada moñarçı kürenmägän hälakät
Tropik dawıl ilneñ kön’yaq öleşen mäxşär alanına äwerelderde
Braziliyäneñ kön’yaq öleşendä xakimlek itüçe tropik dawıl arqasında, berençel mäğ’lümatlarğa qarağanda, 22 keşeneñ ğomere özelde. Cirlek gubernatorı Êduardo Leyte 20dän artıq şähärçektä ğadättän tış xäl iğ’lan itülären, 15 meñ keşene êvakuaśiyäläwlären belderde. Ul dawılnıñ su basu häm cir ubılularğa kiterüen äytte.
İlneñ Argentina belän Urugvay çigendäge Rio-Grande-du-Sul häm Santa Katarina töbäkläre monnan alda kürenmägän hälakät kiçerä. Anda 60 şähärçektä köçle cil häm su taşqınnarı säbäple yılğalar yarlarınnan çıqqan. Êzläw-qotqaru êşläre bik zur awırlıq belän alıp barıla. 22 keşeneñ üle gäwdäse tabılğan.
Braziliyä däwlät başlığı Luis İnasiu Lula da Silva dawıl arqasında ğomere özelüçelärneñ ğailäläreneñ qayğısın urtaqlaştı. “Xalıqqa yärdäm itü öçen barlıq köçebezne quyaçaqbız,”-dide ul.
