Rusiyä, Belarus' häm İran Nobel' tantanasına çaqırılmadı

Nobel’ cämğıyäte 10nçe dekabr’dä uzaçaq büläklär tapşıru tantanasına Rusiyä, Belarus’ häm İrannı çaqıru qararınıñ kire qağıluın xäbär itte.

Cämğıyät’tän yasalğan yazmaça belderüdä “Şveśiyäneñ (Швеция) başqalası Stolgol’mda oyıştırılaçaq büläkläw tantanasına älege illärneñ ilçelären çaqıru rizasızlıq kiterep çığardı. Älege reakśiyälärne (рeaкцияләрнe) istä totıp Rusiyä, Belarus’ häm İranğa cibärelgän çaqırularnı kire çaqırtıp 2022nçe yılğı protokolnı tormışqa aşıraçaqbız” diyılä.

Nobel’ cämğıyäteneñ Nobel’ büläklären tapşıru tantanasına älege 3 ilne çaqıru turında 31nçe avgustta çığarılğan qararı xökümät, oppoziśiyä (oппoзиция) häm patşa ğailäseneñ kisken rizasızlığına duçar buldı.

Şveśiyäneñ (Швeциянeң) räsmi xäbär agentlığı "TT"nıñ mäğ’lümatlarına qarağanda, xökümät räise Ul’f Kristersson bolay di: “Nobel’ cämğıyäte kemne çaqıraçağına, tabiğıy ki, üze qarar birä, tik, başqa bik küplär sıman, min dä Rusiyäneñ çaqırıluına şaqqattım. Bu çaqırunıñ Şveśiyädä häm Ukrainada şaqtıy keşeneñ käyefen cibärüen añlıym”.

Şveśiyä (Швeция) patşası Karl 16nçı Gustav bu qararğa bik aptırawın häm Nobel’ büläklären tapşıru tantanasına baruın tağın ber qat küzdän kiçeräçägen äytte.

Partiyä liderları da Rusiyä çaqırılğan tantanada qatnaşmayaçaqların citkerde.

Uzğan yılğı Nobel’ büläklären tapşıru tantanasına Rusiyä häm Belarus’ - Ukrainanı basıp alu, İran isä ildä keşe xoquqların bozu säbäbe belän çaqırılmadı.