"Ukrainada tınıçlıq urnaşuı mömkin tügel"
BMO ğomum särqatibe Ukrainadağı suğış turındağı farazların citkerde
Berläşkän Millätlär oyışması ğomum särqatibe Antonio Guterriş Ukrainada tiz arada tınıçlıq urnaştırunıñ mömkin şikelle kürenmäwen äytte. Ul N’yu-Yorktağı BMO binasında yasağan belderüendä sentyabr’neñ küp’yaqlı diplomatiyä ayı bulaçağın citkerde. Guterriş üzeneñ Keniyadağı Afrika klimat sammitı, İndoneziyädäge ASEAN –BMO utırışı, Hindstandağı G20 cıyılışı häm Kubadağı Qıtay-G77 çarasında qatnaşaçağın belderde. Ul N’yu-Yorkta isä BMOnıñ 78nçe ğomum şurası uzaçağın xäterlätep, biredä Ukrainada tınıçlıq urnaştıru belän bäyle zur täräqqıyät’ kötelüen söyläde.
“Ömet berqayçan da betmi, tik yaqın kiläçäktä Ukrainada solıx mömkin sıman kürenmi. Monıñ kiresenä ışanuımnı äytsäm, bu yalğan bulır,”-dide BMO ğomum särqatibe. Ul, şuña kürä, Ukrainadağı suğışnıñ naçar täêsiren kimetüneñ ähämiyätle buluın äytte.
