"Qorä’n-i Kärimne yandıru mine bik tınıçsız itä, yoqlıy almıym"
Paqıstanlı Malik Şahza Qor’än-i Kärimneñ yandırıluına küz yäş’läre belän qomaçawlarğa tırıştı
Şveŝiya başqalası Stokgol’mda Qor’än-i Kärimneñ yandırıluına küz yäş’läre belän qomaçawlarğa tırışqan waqıtta poliŝiya qatışuına duçar qalğan Paqıstanlı Malik Şahza bu höcümnär arqasında yoqısınıñ qaçuın äytte.
Paqıstanlı Şahza çığışı belän Ğıyraqtan bulğan Salman Momikanıñ Paqıstan ilçelege yanında Qor’än-i Kärimne yandıruına reakŝiya belderde.
Şahza qurqınıçsızlıq sızığınnan Momikağa qıçqırıp bolay dide: “Zinhar, Qorä’n-i Kärimne yandırma! Bu – yaxşı närsä tügel, bu mine bik tınıçsız itä, yoqlıy almıym. Yörägemä operaŝiya yasadılar. Ni öçen Qorä’n-i Kärimne yandırunı däwam itteräseñ? Sin minem öyem bulıp sanaluçı Paqıstan ilçelegenä qadär kilep, nigä Qorä’n-i Kärimne yandırasın? Min – awıru keşe, tönnären yoqlıy almıym, monı tuqtat, zinhar. Poliŝiya moña ni öçen röxsät bira?”
Şunnan soñ poliŝiya tarafınnan çitläşterelgän Şahza qulğa alındı.
Waqıyğa urınınnan poliŝiya maşinasına utırıp kitkän Momika yanında 20 poliŝiya maşinası häm yaqınça 100 poliŝiya xezmätkäre bar ide.
