Putin G20 Liderlar sammitında qatnaşmayaçaq
Bu xaqta ul Hindstan prem’yer-ministrı (прeмьeр-министры) belän ütkärgän söyläşüdä citkerde
Rusiyä däwlät başlığı Vladimir Putin bıyıl Hindstannıñ çirattağı räislegendä 9-10 sentäbr’ könne oyıştırılaçaq G20 Liderlar sammitında qatnaşmayaçağın belderde.
Hindıstannıñ “NDTV” kanalına kürä, Vladimir Putin Hindstan prem’yer-ministrı (прeмьeр-министры) Narendra Modi belän kiçä telefonnan söyläşü ütkärde.
Söyläşüdä Putin G20 sammitında qatnaşmayaçağın häm urınına tışqı êşlär ministrı Sergey Lavrovqa wazifa biräçägen citkerde.
Hindstan citäkçelegennän yasalğan belderüdä Modineñ Putinnıñ oçraşuda qatnaşmaw (кaтнaшмaу) qararına añlayış kürsätüe äytelde.
Belderüdän kürengänçä, ike lider urtaq regional’ häm global’ mäs’älälärne söyläşte.
Rusiyä citäkçelegennän yasalğan belderüdä isä Putinnıñ G20 Liderlar sammitında qatnaşmaw (кaтнaшмaу) säbäbenä urın birelmäde.
Belderügä kürä, liderlar ike il arasındağı yaqın xezmättäşlek mäs’äläsendä urtaq fikergä kilde.
Bäyläneşle xäbärlär
Awrupanıñ tovar häm xezmätlär bäyäsendä iñ qıybat ile
Awrupanıñ qullanu tovarları häm xezmätlärendä iñ qıybat ile Şveyśariyä buldı
