Bozlıqlarnıñ êrüennän pingvinnar zıyan kürä

Antarktidada 10 meñ tiräse pingvin balası boz watılu arqasında ülgän.

Pingvin balaları zur ixtimal belän tuñıp yäisä suda batıp ülgän.

Älege waqıyğa 2022 yılnıñ azağında, qıytğanıñ könbatışında, Bellinsgauzen diñgezenä qarawçı töbäktä barlıqqa kilgän.

Angliyadäge Antarktida tikşerenüläre institutı yasağan belderügä kürä, Bellinsgauzen diñgezendäge bozlıqlar 2022 yılnıñ noyabrendä bötenläy yuqqa çıqqan, 62 pingvin koloniyaseneñ 30% tiräse bu waqıyğada zıyan kürgän.

Belderüdä äytelgänçä, “Xäzerge cılınu däwam itsä, Forster pingvin koloniyaläreneñ 90%ı 2100 yılda yuqqa çığaçaq.”

Belderüdä bäyäläwläre citkerelgän Antarktida tikşerenüläre institutı tikşerenüçese doktor Peter Fretvel, bu zurlıqta pingvin balaların yuğaltunıñ tarixta kürelmäwenä iğ’tibarnı yünältep: “Xäzerge fänni mäğlümatlar kürsätkänçä zur boz massaların yuğaltular tağın da yış häm tağın da kiñ mäydanda kürenä alınaçaq”, – dide.