BRİKS sammitı tämamlandı

Yuğarı däräcäle oçraşu Braziliya, Rusiyä, Hindstan, Qıtay häm Kön’yaq Afrikadan toruçı BRİKS illäre törkemeneñ yaña äğ’za qabul itü qararı cähätennän tarixi sammit bularaq ayırılıp tora.

Dön’ya külämendä 70kä yaqın il çaqırılğan sammitta küp sanda il däwlät häm xökümät başlıqları däräcäsendä qatnaştı.

Küp qotıplı global’ sistemanı yaqlawçı BRİKS illäre törkeme Könbatış üzäkle sistemağa qarşı Aziya, Afrika häm Latin Amerika illäre cähätennän cälep itüçän al’ternativa täq’dim itä.

Xäzergä qadär BRİKSqa äğ’zalek öçen 22 il räsmi möräcäğäten yasadı Bik küp il dä räsmi bulmağan räweştä BRİKS äğ’zalege belän qızıqsınuların kürsätte.

BRİKS illäreneñ liderları Johannesburgtağı sammitnıñ berençe 2 könendä xäzerge möräcäğätlärne häm äğ’zalıq kriteriylären tikşerde häm Argentina, Berläşkän Ğaräp Ämirlekläre, Efiopiya, İran, Misır häm Soğud Ğaräbstanı belän bergä 6 ilneñ oyışmağa çaqıru qararın qabul itte.

Yaña äğ’zalärneñ 2024nçe yılnıñ 1nçe ğıynwar könne cämğıyätkä äğ’za buluı belän BRİKS äğ’za sanı kiläse yılda 11gä citäçäk.

BRİKSnıñ 2030nçı yılğa qadär global’ iq’tisadnıñ yartısınnan kübrägen üz qulında totuı kötelä.