Rusiyädä kilep töşkän oçqıçta Prigojin ülgän
Rusiyäneñ Tver’ töbägendä şäxsi djet oçqıçınıñ kilep töşüe, “Vagner” liderı Yevgeni (Евгений) Prigojin belän bergä 10 keşe mäyıteneñ bilgelänelüe belderelde
Rusiyä ğadättän tış xällär ministrlığı mäs’älä belän bäyle belderüendä Tver’ töbägendä “Embraer Legacy” (Эмбраер Легаsи)” törendäge şäxsi djet oçqıçınıñ kilep töşüen citkerep: “Oçqıçta öç keşelek êkipaj belän bergä 10 keşe bar ide. Berençel mäğ’lümatkä kürä, oçqıçtağılarnıñ barısı da ülgän”, - dip äytte.
Rusiyäneñ “TASS” xäbär agentlığı isä Tver’dä kilep töşkän häm 10 keşeneñ ğomere özelgän şäxsi djet oçqıçında “Vagner”gä nigez saluçı Yevgeniy (Евгений) Prigojinnıñ da buluın belderde.
Xäbär soñınnan Rusiyä Federal’ hawa transportı agentlığı tarafınnan da raslandı.
Agentlıq kilep töşkän djet oçqıçında “Vagner”neñ tözüçese Yevgeniy (Евгений) Prigojinnıñ ülüen belderde.
“Vagner”gä yaqınlığı belän belengän qayber “Telegram” kanallarında djet oçqıçınıñ Rusiyä armiyasına bäyle saqlanu sistemaları tarafınnan bärep töşerelüe alğa sörelde.
Prigojin yanındağı yallı suğışçıları belän bergä 24nçe iyün’dä Rusiyä citäkçelegenä qarşı qorallı baş kütärüne başlatqan de. Fetnä Belarus’ İlbaşı Aleksandr Lukaşenkonıñ qatışuı belän tögällängän ide.
