Greśiyada (Грециядә) yanğınnar belän köräş däwam (дәвам) itä

Dädäağaçtağı yanğın 5nçe könendä däwam itkändä yanğın ilneñ könbatış öleşendä tağın da köçäygän.

Dädäağaçta çıqqan, Könbatış Trakiyada Märiç häm Rodopta da täêsirle bulğan yanğın arqasında bügen irtä belän Egnatia yulı yabılğan.

Selanikkä (Salonikigä) häm Awrupağa kitärgä teläwçe maşinalarğa Bolgariya aşa däwam itüläre kiñäş itelgän.

Franśiya, Germaniya, İtaliya kebek Awrupa illärendä yäşäp Törkiyädäge cäyge yallarınnan qaytuçı küp sanda törek ildäşläre dä bu wazğıyättän tiskäre täêsirlänüçelär arasında.

Milli küzätüxanä (observatoriya) häm äylänä tirä moxit institutı direktorı Nikos Mihalopulos  yanğınnar arqasında hawadağı kisäkçälär matdäse miqdarınıñ Bötendönya sälamätlek saqlaw oyışması bilgelägän çik bulğan 20 mikrogrammadan artıp 100 mikrogrammağa citüen iskärtep uzdı.

Märiçtäge yanğınğa bäyle kisäkçä matdäläreneñ Ädrän diñgezendäge utrawlarğa qadär barıp citüen belderüçe Mihalopulos başqala Afinanıñ könbatışında häm Pirädä şartlarnıñ bik awır buluına iğ’tibarnı yünältte.

Mihalopulos, bu külämneñ sälamätlek öçen bik qurqınıç buluın belderep, bigräk tä olı yäş’tägelärgä häm sulış probleması buluçılarğa açıq hawağa çıqmasqa kiñäş itte.

İl külämendä tizlege ber säğättä 70 çaqrımğa citkän köçle cil dä yanğın sünderü êşçänlegen qıyınlaştıra.

Yanğınnarda berse Viotiada, berse Märiç töbägendäge Kavacıkta (Lefkimi) buluı belän bergä 21nçe avgustta 2 keşeneñ ğomere özelgän ide.

Kiçä isä Märiç töbägendäge Dadias urman mäydanında Greśıyağa Meriçtän uzarğa tırışqan tärtipsez migrantlarnıqı buluı farazlanğan ikese bala cämğıse 18 keşeneñ mäyıte tabılğan.

Bu räweşle Greśiyada (Грециядә) yanğın arqasında ike köndä ğomere özelüçelärneñ sanı 20gä citkän.

Greśiya (Греция) İlbaşı Katerina Sakelaropulu Märiç töbägendä häläq buluçılar öçen yasağan belderüendä:

"Bu tragediya arqasında keşelärebezneñ yuğaltuları, ülemnäre, tabiğät kürgän zarar öçen qayğırabız, matämdä bez”, - dip äytkän ide.