Çernigovta matäm iğ’lan itelde
Rusiyäneñ Ukrainanıñ Çernigov qalasına oyıştırğan raketa höcümendä 7 keşeneñ ğomere özelgän, 129 keşe yaralanğan
Ukraina Däwlät başlığı Volodimir Zelenskiy sośial (социаль) media akkauntınnan yasağan belderüendä, Rusiyä raketasınıñ Çernigov şähär üzägendäge mäydan, universitet häm teatr urnaşqan urınğa turı kilüen belderep: “Ülüçelär häm yaralanuçılar bar. Tuğannarın yuğaltuçılarnıñ qayğısın urtaqlaşam”, - dip äytte.
Zelenskiy waqıyğa urınında böten xezmätlärneñ êşläwen (эшләвeн) iskärtep uzdı.
Ukraina êçke êşlär ministrı İgor Klimenko da sośial (социаль) media akkauntınnan yasağan belderüendä höcümdä 7 keşeneñ häläq buluın, 15 bala häm 15 poliśiya (полиция) xezmätkäre belän bergä 129 keşeneñ yaralanuın citkerde.
Çernigov şähär şurasınıñ “Telegram” kanalınnan yasalğan belderüendä dä Rusiyäneñ höcümnäre arqasında 19nçı-21nçe avgust könnärendä şähärdä matäm iğ’lan itelüe äytelde.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy