Awrupada tabiğıy gaz saqlağıçları 90%qa tulğan
Awrupa Berlege komissiyası başlığı Ursula von der Leyen Berlekkä äğ’za illärneñ tabiğıy gaz saqlağıçlarınıñ tulılıq küläme 90%tan artuın citkerde
Von der Leyen sośial (социаль) media akkauntınnan Awrupa Berlege gaz saqlağıçlarınıñ tulılıq torışı turında xäbär itte.
"Awrupa Berlege gaz saqlağıçları planlaştırılğannan küpkä irtäräk 90%qa citte", - dip äytüçe von der Leyen cıyılıp saqlanğan gaznıñ qışqı çorda ênergiya belän täêmin itügä öleş kertäçägen belderde.
Von der Leyen, Rusiyä gazınnan waz kiçülärenä işarät itep, ênergiya çığanağın törleländerüne arttıruğa yünältelgän êşçänlekne alıp baruların iskärtep uzdı.
Bügenge köndä äğ’za illärdäge tabiğıy gaz saqlağıçlarınıñ tulılıq küläme 90,12% däräcäsendä.
Ğadättäge çorlarda ber yılda yaqınça 400 milliard kub metr tabiğıy gaz qullanğan Awrupa Berlege illärendä 110 milliard kub metrğa qadär tabiğıy gaz cıyıp saqlaw mömkinlege bar.
Awrupa Berlege illäre 2022nçe yılnıñ 24nçe fevral’ könne başlanğan Rusiyä-Ukraina suğışı aldınnan tabiğıy gaznıñ 40%ın Rusiyädän importlıy ide. Suğış belän bergä Rusiyädä Awrupa Berlegenä tabiğıy gaz cibärelüe 8% däräcäsenä qadär kimede.
Berlek illäre suğışnıñ başlanuı belän cirastı tabiğıy gaz saqlağıçların qış aylarına qadär tutırunı mäcbür itüçe xoquqıy qağıydälärne äzerlägän ide.
Bu qısada gaz saqlağıçlarında bıyıl 1nçe noyabr’gä qadär 90% tulılıqqa ireşelüe planlaştırılğan ide. Citelgän soñğı däräcä belän Awrupa Berlege maqsatına yaqınça 2 ay yarım aldan ireşte.
