Venesuêladan Fälästin adımı

Fälästinneñ “WAFA” räsmi agentlığı xäbärenä kürä, Fälästin tışqı êşlär ministrlığınnan yasalğan yazmaça belderüdä, Venesuêlanıñ Fälästindäge diplomatik wäkillek däräcäsen tulı wäqalätle ilçelek däräcäsenä kütärüe citkerelep, monnan toyılğan qanäğätlelekkä basım yasaldı.

Belderüdä bu qarar Venesuêlanıñ 2009nçı yılda Fälästin däwläten tanuınıñ häm ike dus il arasındağı tarixi mönäsäbätlärneñ tiränlegeneñ kürsätkeçe bularaq bäyälände.

Ğaräp parlamentınnan yasalğan yazmaça belderüdä dä, qararnıñ qanäğätlelek belän qarşılanıluı iskärtelep uzılıp, Venesuêlanıñ Fälästin däwläteneñ häm xalqınıñ här däräcädäge xoquqların yaqlawçı nıq totışı maqtaldı.

Belderüdä şuşı qarar Venesuêlanıñ 2009nçı yılda Fälästin däwläten tanuınıñ häm Fälästin xalqı belän xaqlı däğ’wasına däwam (дәвам) itkän yaqlawnıñ çağılışı häm başqalası Qodüs bulğan Fälästin däwläteneñ tözelüenä öleş kertü bularaq bäyälände.

Belderüdä başqa illär başqalası Qodüs bulğan bäysez däwlät tözü xoquqı belän ber rättän Fälästin xalqınıñ ğadel häm legal’ xoquqların yaqlaw öçen oxşaş adımnar yasarğa çaqırıldı.

Fälästindäge diplomatik wäkilçelegen 2005nçe yılda Ramallahta baş konsullıq belän başlatqan häm 2006nçı yılda biregä berençe wäkilen bilgelägän Venesuêla İzrailneñ 2009nçı yılda Ğazzä sızığına qarşı soñğı höcüme arqasında bu il belän böten diplomatik mönäsäbätlären özgän, İzrail ilçesen häm böten diplomatik personalın Karakastan çığarıp cibärgän ide.