Bäräñge qızdıru çempionatı uzaçaq
Franśiyädä oyıştırıluçı çara äle täwgese
2025401
Franśiyädä uzaçaq täwge Bäräñge qızdıru çempionatında restoran-kafelar häm ayırım şäxeslär dä qatnaşa ala. Çara dön’yada äle berençe tapqır ğına oyıştırıla.
Franśiyäneñ BFMTV kanalı citkergänçä, La-Manş buğazı buyındağı Pa-de-Kale şähäre 7nçe oktyabr’dä bulaçaq çempionatnı ütkärergä äzerlänä başlağan inde.
“Arras Grand Plas” kürgäzmä mäydanında oyıştırılaçaq çarada qatnaşuçılar “icadi bäräñge”, “çın bäräñge” häm “qızdırılğan bäräñge sousı” kategoriyälärendä yarışaçaq. Ciñüçelärgä gastronomiyä dön’yasında yaña mömkinlek işekläre açılaçağı kötelä. Yarışnı bäräñge yaratuçılar qızıqsınıp qarar dip uylanıla.
Çempionatta qatnaşu öçen 18 yäş’ne tutırğan bulu şart.
Jüri sostavı bäräñge qızdıru ostalarınnan toraçaq.
