Qunaqxanälärdä bäyälär 10 tapqır artqan

Franśiyä (Франция) başqalası Parijda 2024nçe yılğı Olimpiya uyınnarı uzaçaq waqıtqa qunaqxanä bäyälärendä çamasız artu buldı, qayber rayonnarda (рaйоннaрдa) qunu öçen tüläw 10 tapqır qıybatlandı.

İl matbuğatındağı xäbärlärgä qarağanda, kiläse yıl 26nçı iyül’dän 14nçe avgustqa qadär Parijda uzaçaq Olimpiya uyınnarı aldınnan qunaqxanälärgä bron’ taläbe nıq kübäygän. Monı otel’yerlarnıñ (oтeльeрлaрның) kübese forsatqa äwerelderä (әвeрeлдeрә) häm bäyälärne älege çor öçen arttıra. Olimpiya könnärenä inde xäzerdän ük qunaqxanälär 20%qa tulğan. Ä bron’ bäyäläre kire qaytaru mömkinlege birelmiçä aldan uq tülänä.

Parijdağı qunaqxanälär bıyılğı iyül’-avgust çorında 200 yevro tiräse bulğan nomer bäyälären kiläse yılnıñ şul uq çorı öçen yaqınça 2 meñ yevro itep bilgeläde. Turistlar bu xälgä rizasızlıq belderde.

Çamasız yuğarı bäyälär belän bäyle räweştä tiyeşle ministrlıqqa bik küp şiqayät’ citkerelsä dä, wäqalätlelärneñ problemanı xäl itü öçen älegä çişeleş taba almawı bilgele.