İranda terrorçı höcüme
İke terrorçı törbägä doğa qılırğa kilüçelärgä ata başlıy
2023978
İrannıñ Şiraz şähärendäge Şax Çerağ törbäsenä yasalğan qorallı höcümdä 4 keşeneñ ğomere özelgän, 8e yaralanğan.
Fars gubernatorlığınnan belderülärençä, cirle waqıt belän 19 tulıp 30 minutlarda ike terrorçı törbäneñ işege yanında toruçı keşelärgä teläsä-niçek ata başlıy. Höcümçelärneñ bersen êläkterälär, ikençese – qaça.
Waqıyğadan soñ törbäneñ işekläre yabıla, anıñ tiräsendä köçle iminlek çaraları kürelä.
2022nçe yılnıñ 26nçı oktyabrendä dä Şax Çerağ törbäsenä 3 terrorçı höcüm oyıştırğan ide. Ul waqıtta 2 balanı da kertep 15 keşeneñ ğomere özelde, 40 keşe yaralandı. "DEAŞ" terrorçı oyışması älege höcüm öçen cawaplılıqnı üz östenä aldı.