Nigeriyädä su basu arqasında 7 meñnän artıq keşe başqa cirlärgä küçep kitkän
Bu xaqta Nigeriya ğadättän tış xällär belän idarä itü agentlığı xäbär itä
Bıyıl Nigeriyädä köçle yawım-töşemnär kiterep çığarğan su basu arqasında 7 meñnän artıq keşe başqa cirlärgä küçerelgän.
Nigeriya milli ğadättän tış xällär belän idarä itü agentlığınıñ planlaştıru, tikşerenülär häm farazlaw direktorı Fatima Kasim beldergänçä, su basu aprel’ ayınnan başlap xäzergä çaqlı 10 ştatta barlığı 34 meñ 983 keşegä tiskäre yoğıntı yasağan.
Kasim bilgeläp uzğança, 7 meñ 353 keşe yäşägän urınnarınnan kitkän, 1 meñ 679 yort cimerelgän, 866 gektar mäydan zur zıyan kürgän.
Su basu arqasında 5 keşe ğomeren yuğaltqan, 75 keşe cäräxätlängän.
Nigeriya xökümäte 2022 nçe yılda köçle yañğırlar arqasında barlıqqa kilgän su basudan 600 dän artıq keşeneñ ğomere özelüen xäbär itkän ide. Uzğan yıl su basu säbäple il iq’tisadı 7 milliard dollar zıyan kürgän.
