Ukraina: “Global’ tınıçlıq sammitına äzerlekne däwam (дәвам) itäçäkbez”

Ukraina İlbaşı idaräse ofisı başlığı Andriy Yermak Ukrainada tınıçlıqnıñ urnaştırıluı belän bäyle bularaq Ciddä şähärendä oyıştırılğan cıyılışnıñ näticälären bäyäläde.

Ciddä cıyılışınıñ töp temasınıñ Ukrainanıñ tınıçlıq formulası buluına işarät itüçe Yermak urtaqlarnıñ küpçelegeneñ Rusiyä xärbi berlekläreneñ Ukraina cirlärennän çigenüeneñ zarurlığına häm suğışnı tuqtatunıñ mömkin bulmawına, çönki monıñ Ukraina cirlärenä yaña höcümnär öçen waqıt qazandıraçağına basım yasawın citkerde.

Yermak Ukrainanıñ bäysezlegen, suverenlığın häm cir bötenlegen şartsız räweştä xörmät itüçe häm tınıçlıq formulasınıñ ber öleşe yäisä tulı öleşe östendä êşlärgä teläwçe däwlätlärneñ artuına iğ’tibarnı yünältte.

Yermak Ukraina İlbaşı Volodimir Zelenskiyneñ tınıçlıq formulasınıñ tormışqa aşırıluınıñ Ukrainanıñ ciñü strategiyasınıñ öleşe buluın, şuña kürä Ciddä cıyılışınıñ tarixqa keräçägenä ışanuın iskärtep uzdı.

Cıyılışta Qıtay wäkileneñ dä qatnaşuınıñ möhim buluın bilgeläp uzuçı Yermak: “Qıtay wäkile söyläşülärdä aktiv qatnaştı häm qaraşların belderde. Bez Qıtay wäkilennän işetkän möhim närsä – Qıtaynıñ şuşı formatta qatnaşırğa däwam (дәвам) itärgä äzer buluı ide”, - dip bäyäläw yasadı.

Ciddä cıyılışınıñ Ukrainanı tınıçlıq formulasınıñ tormışqa aşırıluına yaqınaytuına basım yasawçı Yermak: "Bez Global’ tınıçlıq sammitına äzerlekne häm yuğarı däräcäle oçraşunıñ oyıştırıluı östendä êşlärgä däwam (дәвам) itäçäkbez häm annan soñ suğışnıñ beterelüen qanuni bularaq ışanıç astına alaçaq maddä belän bergä 10 mäddäneñ härberseneñ ütälüe öçen êşçänlek başlanaçaq”, - dip belderde.