Nigeriyädä difteriya êpidemiyäse

Nigeriyädä 7 ay êçendä 122 bala difteriyädän ğomeren yuğaltqan.

Berläşkän Millätlär Oyışmasınıñ Balalarğa yärdäm itü fondı YUNİSEFnıñ Nigeriyädän cawaplı xezmätkäre Safiya Akau beldergänçä, difteriya êpidemiyäse ilneñ törle ştatlarına taraluın däwam (дәвам) itä.

Akau bilgeläp uzğança, ağımdağı yılnıñ ğıynwar-iyül’ aylarında êpidemiya arqasında 122 balanıñ ğomere özelgän.

İldä iyül’gä qadär 1 meñ 387 difteriya oçrağı terkälgän häm bu oçraqlarnıñ 71,5%ın 2 yäş’tän 4 yäş’kä qadärge balalar täşkil itä. 

”Raslanğan oçraqlarnıñ 22%ınıñ ğına bala yäş’tä yasalırğa tiyışle privivkalarnı yasatuı yöräkne ärnetä”, - dip belderä Safiya Akaw.

Akaw YUNİSEFnıñ Nigeriyädäge balalarğa difteriya êpidemiyäsenä qarşı tırışlıqların arttıruın assızıqlıy.

Difteriya korinebakteriyälär tamaq, borın, küz häm tiregä urnaşqaç barlıqqa kilä. Yoğışlı (Йогышлы) awıru ülemgä kiterergä mömkin.