BMO Rusiyäneñ Ukrainada xastaxanägä höcümen gäyıpläde
Berläşkän Millätlär Oyışması Rusiyäneñ, Ukrainada xastaxanägä höcüm itep, wazıyfasına yaña ğına başlağan tabibnıñ häläq buluına säbäp bulğan höcümen gäyıpläde
BMO Ğomum särkätibe süzçe urınbasarı Farhan Haq köndälek matbuğat oçraşuında jurnalistlarnıñ sorawlarına (сoрaулaрынa) cawap birde.
Haq BMO humanitar yärdäm koordinatorı Denise Brownnıñ Ukrainanıñ Xerson qalasındağı xastaxanädä ber tabibneñ ülemenä häm 5 sälamätlek saqlawçısınıñ yaralanuına kitergän “Rusiyä bombalawınıñ (бoмбaлавының) qabul itelmäslek bularaq bäyäläwen (бәяләвeн)” citkerde.
Süzçe urınbasarı Brownnıñ suğış arqasında “tormışları tar-mar itelgän keşelärgä möhim xezmätlär kürsätüçelärneñ dä xätta nişan itep alınuına” beldergän reakśiyası (реакциясы) belän urtaqlaştı.
Soñğı höcümneñ qorbanı bulğan tabibneñ “wazıyfasına başlağan berençe könendä häläq buluın” belderüçe Farhan Haq 2022nçe yılnıñ fevral’ ayında suğışnıñ köçäyä baruınnan birle Bötendönya sälamätlek saqlaw oyışmasınıñ Ukrainada sälamätlek saqlaw xezmätlärenä qarşı 1 meñnän kübräk höcüm oyıştırıluın äytte.
Haq ayıruça BMO humanitar êşlär koordinaśiya (координация) ofisınıñ tınıç xalıqnı saqlaw häm êffektiv tikşerü ütkärü öçen xalıqara humanitar xoquq qısalarında "açıqtan-açıq belderelgän yöklämälärgä xörmät kürsätelüe häm bilgelängän citdi bozu oçraqlarınıñ tikşerelüe” çaqıruın yasawın iskärtep uzdı.
Ukraina İlbaşı Volodimir Zelenskiy kiçä yasağan belderüendä Rusiyä ğaskäreneñ Krivoy Rog häm Xerson şähärlärendä toraqlarnı häm universitet binasın bombalawın (бoмбaлавын), ülüçelärneñ häm yaralanuçılarnıñ buluın citkergän ide.
