BMOdan Rusiyäneñ aşlıq yärdämenä bäyäläw

Berläşkän Millätlär Oyışması Ğomum särqatibe Antonio Guterreş Qara diñgez aşlıq koridorı kileşüennän çigengän Rusiyäneñ 6 Afrika ilenä buşlay aşlıq yärdämen kürsätäçägen belderüe belän bäyle bularaq "ber uç yärdäm” belän dramatik torışnıñ üzgärmäyäçägen äytte.

Guterreş BMOda könüzäk mäs’älälärgä qağılışlı sorawlarğa cawap birde.

Rusiyäneñ aşlıq koridorı kileşüennän çığuın bäyäläwçe Guterreş: "Bu bik açıq: millionlağan tonna aşlıqnıñ bazardan alınuı, iq’tisad qanunnarına kürä, Ukraina aşlığınıñ xalıqara bazarğa normal’ ireşüe belän barlıqqa kiläçäk bäyälärdän tağın da kübräk bäyä artuına säbäp bulaçaq”, - dip äytte.

Guterreş aşlıq bäyälärendäge şuşı artunıñ näticäsen här urında härkemneñ, bigräk tä üsep kilüçe illärdäge urta keremle qatlamnıñ häm xätta alğa kitkän illärdäge moxtac keşelärneñ tüläyäçägenä iğ’tibarnı yünältte.

Rusiyäneñ 6 Afrika ilenä tüläwsez aşlıq yärdämen kürsätäçägen belderüe belän bäyle bularaq Ğomum särkätip: "Şuña kürä, härkemgä, här cirdä täêsir itäçäk şuşı dramatik torışnı qayber illärgä ber uç yärdäm belän tözätüegez mömkin tügel”, - dide.

Rusiyä İlbaşı Vladimir Putin kiçä Sankt-Peterburgta oyıştırılğan Rusiyä-Afrika sammitınıñ açılışında Rusiyä awıl xucalığı êksportına qarata sankśiyälär arqasında Könbatış illären ikeyözlelektä gäyıplägän häm: "Kiläse 3-4 ay êçendä Burkina Faso, Zimbabve, Mali, Somali, Urta Afrika Cömhüriyäte häm Êritreyağa (Эритреяга) 25-50 meñ tonna aşlıqnı tüläwsez cibärergä äzer bulaçaqbız”, - dip äytkän ide.