"AQŞ, NATO häm Ukraina söyläşülärdän baş tartalar"
Bu xaqta Rusiya Federaśiyäse däwlät başlığı Vladimir Putin belderde
Rusiya Federaśiyäse däwlät başlığı Vladimir Putin Ukraina krizisın çişü öçen söyläşülär alıp barılırğa tiyeşlegen äytte.
“Alar härkem öçen tigez qurqınıçsızlıq mäs’äläläre turında söyläşülärdän baş tarta. Xäzege Ukraina rejimı da söyläşülärne kire qağa”,- dide Putin.
Ul bu xaqta Sankt-Peterburgta uzğan Rusiya - Afrika sammitında yasağan çığışında citkerde.
Vladimir Putin Ukraina krizisın çişügä qağılışlı söyläşülärneñ möhimlegenä basım yasap:” Barlıq problemalar da söyläşülär aşa xäl itelergä tiyeş, läkin problema şul - alar bezneñ belän söyläşüdän baş tartalar”,-dip äytte.
Putin Ukraina suğışınıñ Rusiya iminlegenä qurqınıç yanağanğa kürä baruın belderde.
“Bäreleş Amerika Quşma Ştatları häm NATOnıñ Rusiyäneñ qurqınıçsızlığına yanawlar tudıruğa nigezlängän häm alar böten keşe, şul isäptän Rusiya öçen, tigez qurqınıçsızlıq mäs’äläläre buyınça söyläşülärdän baş tarta. Ukraina, döresräge xäzerge Ukraina rejimı da söyläşülärne kire qağa. Monı räsmi räweştä belderdelär. Ukraina ilbaşı moña qağılışlı söyläşülärne tıyu turındağı qararnamägä qul quydı”,- dide Rusiya Federaśiyäse däwlät başlığı Vladimir Putin.
