Sektanıñ 403 qorbanın qazıp çığardılar

Keniyada “açlıq sektası” êşen tikşerü qısalarında tabılğan mäyet sanı 403kä citte. Töbäk komissarı Roda Onyança qaberleklär êzläw barışında yaña gäwdälär çığuın belderde.

Maxsus operaśiyälär waqıtında 95 keşene sekta qulınnan qotqaralar. Kümäk ülemnär belän bäyle räweştä 37 keşe qulğa alına. Aralarında sekta liderınıñ xatını Djoys Mwikamba da bar.

“Yaxşı xäbär” dip ataluçı çirkäwneñ pastorı Pol Makkenzigä qarata cinayät’ êşe açılğan ide inde. Ul ğıybadätxanägä kilüçe keşelärne aç torıp Ğaysä päyğambär belän oçraşu mömkin buluına ışandıra häm ülemgä êtärä.  

Makkenzi tikşerü başlanğanda poliśiyägä 1000 keşeneñ üle gäwdäsen tabaçaqların söyläde.