Tunnel’ su astında qaldı

Kön’yaq Koreyanıñ Çondju şähärendä ber tunnel’ su astında qaldı.

Tunnel’dan 13 mäyet çığarıldı.

Kön’yaq Koreyada Afät häm iminlek çaraları ştabı tarafınnan yasalğan açıqlawğa kürä köçle yawım-töşemnär arqasında çıqqan su basu häm cir şuışuında ülüçelär sanı 37gä kütärelde, 10nan artıq keşe yuğaldı.

İldäge 13 provinŝiyadä barlığı 7866 keşe êvakuaŝiyalände, 20 meñ gektarlık igen-basu su astında qaldı, 561 meñ mal-tuar ülde.

Köçle yawım-töşem arqasında 216 yul yabıldı, ildä 273 bina zıyan kürde.

Şimbä könne ber yılğa yarınnan kilgän sular tunnel’ğa qoyıldı, keşelär maşinalar häm avtobuslar êçendä qaldı.

Räsmi zatlar 685 metrlık tunnel’da niçä keşeneñ qaluın açıqlamadı, läkin 15 transport çarasınıñ buluın citkerde.

Qotqaru törkemnäre keşelärne çığarırğa däwam itä.