İzraildä protestlar däwam itä

İzrail xalqı xökümät räise Netan’yaxu citäkçelegendäge koaliśiyä (коалиция) idaräseneñ xökem çığaru organnarın çikläwçe tözätmälärenä qarşı atnalar buyı protest çaraları oyıştıra. Alar här şimbä könne massaküläm demonstraśiyälärgä (демонстрацияләргә) çığa. Kiçä protestlarnıñ 28nçe atnasında xalıq qabat mäydannarğa tuldı.

Tel’-Aviv, Könbatış Yerusalim, Xayfa, Birüssäbi häm Revoxot şikelle şähärlärdä bik küp noqtada uzuçı çaralarda yözlärçä meñ izraille qatnaştı. İl matbuğatındağı xäbärlärgä qarağanda, barı Tel’-Avivtağısında ğına da 150 meñnän artıq keşe bula. Alar Kaplan uramındağı Xökümät kompleksı qarşında cıyıla. İzrail bayraqları totqan häm yış qına “demokratiyä” şiğar’läre qıçqıruçı demonstrantlar koaliśiyä (коалиция) xökümätendäge çiktän tış uñçı säyäsätçelärne tänqıyt’läwçe yazular häm räsemnär kütärä.

Könbatış Yerusalimda meñnärçä keşe Netan’yaxunıñ öyınä yaqın urında yöreş ütkärde.

Süz uñayınnan, xökümät räiseneñ kisäk sırxawlap xastaxanägä salınuı citkerelde.

İzrail xökümät yortınnan (йортыннан) yasalğan belderüdä Netan’yaxunıñ sälamätlegeneñ, berençel tikşerenülärgä qarağanda, yaxşu buluı häm su küp yuğaltu arqasında xälsezlänüe äytelä.

Netan’yaxu "Twitter" akkauntında urtaqlaşqan videoyazmasında üze yatuçı Şiba xastaxanäse xezmätkärlärenä räxmät äytä häm bolay di: “Kiçä qoyaşta başlıqsız häm susız waqıt ütkärdem. Xäzerge waqıtta üzemne bik yaxşı xis itäm. Borçıluığız öçen räxmät”.