Putin kön üzägendäge mäs'älälärgä bäyä birde

Rusiyä däwlät başlığı Vladimir Putin Ukrainanıñ NATOğa kerüeneñ bu däwlätneñ iminlegen arttırmayaçağın söyläde. Ul däwlät kanalı “Rossiya-24”kä yasağan belderülärendä Ukrainağa birelgän yıraq arağa atuçı raketalarnıñ zarar yasawın, tik bäreleş töbägendä kritik üzgäreş barlıqqa kitermäwlären assızıqlap: “Şunı uq çit il tankları häm pexota texnikası öçen dä äytergä mömkin. Barı 4nçe iyül’dän başlap 311 tanknı yuq ittek häm bolarnıñ ähämiyätle ber öleşe, kimendä öçtän bere dip uylıym, "Leopard" tankların da kertep Könbatışta yasalğan,”-dip söyläde.

Putin yaña qorallar birüneñ Ukraina öçen xälne tağın da awırlaştıraçağın häm bäreleşlärgä ut östiyäçägen assızıqladı.

Ul Ukrainanıñ NATOğa kerüeneñ Rusiyäneñ iminlege öçen yanaw bulaçağın äytä. “Monıñ Ukrainanıñ iminlegen arttırmayaçağına häm, ğomumän alğanda, dön’yanı yaqlawçısız xälgä kiteräçägenä häm xalıqara arenada östämä kiyırenkelek tudıraçağına şiklänmim,”- di Rusiyä liderı.

Putin Ukrainanıñ üz iminlegen nığıtu xoquqına iyä buluın belderep bolay di: “Tik ber çikläw bar. Ber däwlätneñ iminlege täêmin itelgändä, başqa däwlätneñ iminlege yanaw astına quyılmasqa tiyeş”.

Putin Qara diñgez aşlıq kileşüenä dä tuqtalıp, andağı şartlarnıñ ğamälgä aşırılmawın söyläde. “Ägär härkem bezgä birelgän barlıq süzlärneñ cirenä citkereläçägen qabatlap tora ikän, wäğ’dälärne ber qırıyğa quyıp ütäsennär. Bez dä bu kileşüdä şunda uq qatnaşırbız. Başta ozaytıp, soñınnan wäğ’dälärne ütäw variantı monnan soñ Rusiyägä kiräk tügel,”- dide ul.

Putin Berläşkän Millätlär oyışmasınıñ Rusiyägä cibärgän xatın älegä kürmäwen, kileşüneñ tögällänüenä äle berniçä kön barlığın häm närsä êşlärgä ikänen uylayaçaqların söyläde.