Liderlar NATO sammitınıñ ikençe könendä oçraştılar

NATO illäre liderları Litva başqalası Vil’nyusta uzuçı NATO sammitınıñ ikençe könendä oçraştılar.

NATOnıñ däwlät häm xökümät başlıqları däräcäsendäge sammitında Türkiyädän ilbaşı Räcäp Tayyip Ärdoğan qatnaşa.

Cıyılışta 31 il citäkçese belän bergä NATO äğ’zalığına çaqırılğan il sıyfatında Şveśiya (Швеция) dä urın ala.

Monnan tış NATOnıñ Hind -Tın okean partnyorları Yaponiya, Kön’yaq Koreya, Avstraliya häm Yaña Zelandiya belän Awrupa Berlege dä cıyılışta wäkillek itelä.

Cıyılış açılışında çığış yasağan NATO ğomum särqatibe Yens Stoltenberg NATOnıñ Awrupa häm Atlantikada regional’ ittifaq buluın, läkin aldında torğan problemalarnıñ global’ buluın äytte.

Stoltenberg Awrupa-Atlantika häm Hind-Tın okean töbäklärendäge waqıyğalarnıñ ber-berse cähätennän zur ähämiyätkä iyä buluın, Ukrainadağı suğışnıñ global’ näticäläre buluın, terrorçılıq häm kiber qurqınıçlarnıñ çiklärne belmäwen (бeлмәвeн), avtoritar rejimnarnıñ yaqınlaşuın äytte.

”Bez qağıydägä nigezlängän global’ tärtip öçen bergä torırğa, bergä bulırğa tiyış”, - dip äytüçe Stoltenberg şuña kürä partnyorlar öçen bügenge NATO sammitında qatnaşunıñ möhim buluın assızıqladı.