Yaponiyäneñ iñ biyek binası tözelep bette

Yaponiyädä tözeleşe tögällängän 330 metrlı “Azabudai Hills Mori JP Tower" ilneñ iñ biyek kükteräwe buldı.

Mori Building korporaśiyäseneñ belderüenä qarağanda, Tokionıñ Minato rayonında urnaşqan bina qullanılışqa äzer. Anıñ cir astına 5 häm östendä 64 qatı bar. Kükteräwneñ asqı öleşendä Awrupanıñ “Aman Resorts” qunaqxanälär çılbırı häm zinnätle rezidenśiyälär urın ala. Biredä, şulay uq, “Britiş skul”nıñ filialı, Keio universitetınıñ bülekläre, kibetlär, törle şirkätlärneñ wäkillekläre häm restorannar bar.

Älege kükteräwgä qadär Osakadağı 300 metrlı “Abeno Xarukas” ilneñ iñ biyek binası ide.

Tokio stanśiyäse yänäşäsendäge 390 metr biyeklegendäge kükteräwneñ tözeleşe isä 2027nçe yılda tögälläner dip kötelä.