Ğıyraqta meñnärçä balıq ülgän

Ğıyraqnıñ kön’yağında Mäysan töbägendäge yılğada su däräcäseneñ kimüe arqasında kislorodsız qalğan meñnärçä balıq ülgän. Cirle xalıqnıñ kerem çığanağı – balıqçılıq. Şuña kürä töbäktä hawa temperaturasınıñ artuı belän sunıñ kimüe bik küp keşene berdänber aqça êşläw yulınnan mäxrüm itärgä, êşsez qaldırırğa mömkin.

Äl-İz yılğasında balıqlar küpläp ülgännän soñ xalıq wäzğıyät’ne wäqalätlelärgä belderde. Ğıyraq xökümäte mäs’äläne tikşerä başlawların citkerde.

İlneñ Babil töbägendä dä 2018nçe yılda oxşaş säbäplär arqasında meñnärçä balıq ülgän ide.