AQŞ watandaşlıq imtixannarın üzgärtä

Amerika Quşma Ştatları watandaşlıq sınawlarında üzgäreş kertä. Ul 15 yıl buyı tözätmälärsez bulğan ide.

AQŞ watandaşlıq häm migraśiyä xezmätläre xäzerge imtixan sistemasında inglizçä söyläşü öleşen yañartunı täq’dim itte. Anda ingliz telendä aralaşu mömkinlekläre bäyälänä torğan yazmaça öleştä sorawlarğa teldän dä cawap birü kiräk bulaçaq.

Migraśiyä xezmäte täq’dim itkän üzgäreştä söyläşü testında qatnaşuçılarğa köndälek tormıştan fororäsemnär kürsäteläçäk häm anı ingliz telendä añlatuları soralaçaq. Tağın ber üzgäreş isä watandaşlıq nigezläre öleşenä qağıla. Anda moña qadär teldän bulğan imtixannı berniçä cawap arasınnan saylap alına torğan yazmaça test itärgä uylıylar.

Üzgäreşlär kiläse yıldan ğamälgä kerteläçäk. Migrantlar imtixannarnıñ awırlaşaçağın farazlıy.