Stoltenberg wazıyfasın däwam itäçäk

NATO ğomum särqatibe Yens Stoltenbergnıñ wazıyfasın tağın ber yılğa ozaytu turında qarar qabul itelde.  Anıñ waqıtı 30nçı sentyabr’dä tögällänergä tiyeş ide.

İttifaqtan belderülärençä, berlektäş däwlätlär Stoltenbergnıñ wazıyfasın däwam itüen teläde.

Qararnı 11nçe-12nçe iyün’dä Litva başqalası Vil’nyusta oyıştırılaçaq NATO sammitında däwlät häm xökümät başlıqları raslayaçaq.

Şulay itep, Yens Stoltenberg 2024nçe yılnıñ 1nçe oktyabrenä qadär NATO ğomum särqatibe wazıyfasında qalaçaq. Ul üze bu qarar belän bäyle bularaq yasağan belderüendä bolay dide: “NATO berlektäşläreneñ wazıyfa waqıtımnı ozaytu qararı miña ğorurlıq xis itterde” .

Yens Stoltenberg 2014nçe yılnıñ 1nçe oktyabrennän birle NATOnı citäkli. Anıñ wazıyfa waqıtı monnan alda 3 tapqır ozaytıldı.