İranda 50 däräcälek qızular

İrannıñ Sistan-Bälücistan vilayätenä bäyle Zehek häm Hirmend şähärlärendä kiçä 50 däräcälek qızulıq küzätelde.

İrannıñ räsmi agentlığı IRNAğa kürä Sistan-Bälücistan Meteorologiya Ğomum mödire Muhsin Haydari töbäktäge êsse hawa belän bäyle açıqlaw yasadı.

Haydari beldergänçä Zehek häm Hirmend şähärläre 50 däräcä belän ilneñ iñ qızu töbäkläre buldı.

Vilayät’neñ idarä üzäge bulğan Zahidan şähärendä isä qızulıq 42 däräcä bulğan.

Muhsin Haydari vilayät’tä cil tizlegeneñ artuı belän tuzannıñ da artacağın açıqlap, xalıqnı kiräk bulmağan oçraqta uramğa çıqmasqa häm maşina yörtmäskä çaqırdı.

Sistan-Bälücistannıñ Krizis belän idarä itü ğomum mödire Mecid Mohibbi dä soñğı könnärdä vilayät’neñ Zabul, Zehek, Hamun, Hirmend häm Nimruz şähärlärendä dawıl belän taşılğan tuzan arqasında meñnän artıq keşeneñ xastaxanä häm sälamätlek saqlaw üzäklärenä cibärelüen, ber keşeneñ yaqtı dön’yadan kitüen açıqlağan ide.