Franśiyädä protest çaraları däwam itä
27 nçe iyün’dä başlanğan protestlarda qulğa alınğan keşelär sanı 3 meñgä yaqınlaşqan
![Franśiyädä protest çaraları däwam itä](http://cdn.trt.net.tr/images/xlarge/rectangle/5eb8/8735/cd6f/64a2637a80364.jpg?time=1718970395)
Franśiyädä poliśiya 17 yäşendäge yäş’üsmerne ütergännän soñ başlanğan protestlar däwam itä.
Franśiya ilbaşı Êmmanuêl’ Makron xökümätkä ildä tärtipne torğızu öçen barısın da êşlärgä quşqan.
Tönlä Nanterre şähärendä rizasızlıq belderü çaraları qısalarında 49 keşe qulğa alınğan.
27 nçe iyün’dä başlanğan protestlarda qulğa alınğan keşelär sanı 3 meñgä yaqınlaşqan.
Noyli-Sur-Marne şähärendä poliśiya protestçılarğa küz yäşe çığara torğan gaz qullanğan.
Lion şähärendä dä poliśiya çiktän tış uñçı törkemne şundıy uq gaz qullanıp taratqan.
İlbaşı Makron ildäge xäl turında söyläşü öçen prem’yer-ministr êçke êşlär ministrı häm başqa ministrlar belän Parijdağı Elisey sarayında oçraşqan.
Makron ministrlarğa ildä tärtip häm tınıçlıq urnaştıru öçen barısın da êşlärgä quşqan, şul uq waqıtta Franśiyädä närsä bulğanın añlaw öçen ozaq waqıtlı êşçänlek başlatuların sorağan.
İl külämendä protest çaraları däwam itkändä üterelgän yäş’üsmer Naelnıñ äbise Nadia Franśiya televideniyese aşa protestçılarnı tınıçlanırğa öndägän.
İsegezgä töşeräbez: 27 nçe iyün’ könne Nanterre şähärendä êçendä 3 keşe bulğan maşinağa “tuqta” kisätüen ütämägän öçen poliśiya ut açqan häm 17 yäşendäge yörtüçene ütergän ide.
Yörtüçe Naelneñ ülemenä reakśiya beldergän keşelär il külämendä uramnarğa çıqtılar häm poliśiya belän bäreleştelär, şul könnän birle ildä protest çaraları däwam itä.
Bäyläneşle xäbärlär
![Çilidä poyezd (поезд) qazası](http://cdn.trt.net.tr/images/medium/rectangle/b0e9/5c0f/b717/66741b5137c59.jpg?time=1718970395)
Çilidä poyezd (поезд) qazası
Kön’yaq Amerika ile Çilidä yulçı poyezdı (пассажир поезды) yök poyezdı (йөк поезды) belän bäreleşkän