Şoygu Könbatış ğaskärlär törkemeneñ idarä punktın tikşerde

Rusiya saqlanu ministrı Sergey Şoygu Ukrainada “maxsus xärbi operaśiya” zonasında Könbatış ğaskärlär törkemeneñ idarä punktında buldı.

Bu xaqta Rusiya saqlanu ministrlığı xäbär itte.

Ukrainada suğışuçı Rusiya ğaskärlären tikşergän Şoygu törkem komandirı Yevgeniy Nikiforovtan xäzerge xäl turında mäğ’lümat aldı.

Sergey Şoygu biredä xärbi wäqalätlelär belän cıyılış ütkärde.

 Suğışuçı berleklärgä yärdäm kürsätü häm ğaskärlärne urnaştırğanda tiyeşle şartlar tudıruğa basım yasadı.

Rusiya saqlanu ministrı Ukraina armiyäseneñ bäreleş mäydanındağı plannarın aldan belü öçen küzläw êşçänlegen aktiv alıp baru burıçın quydı.