Rusiyädä "Vagner" fetnäse arqasında kertelgän çaralarnı ğamäldän çığardılar

Rusiyäneñ qayber töbäklärendä “Vagner”nıñ Rusiya xökümätenä qarşı fetnäse arqasında kertelgän çaralarnı ğamäldän çığardılar.

Mäskäw mêrı Sergey Sobyanin telegram-kanalda xäbär itkänçä, Mäskäwdä 24 nçe iyün’dä “Vagner”nıñ Rusiya xökümätenä fetnäse säbäbe belän ğamälgä quyılğan terrorçılıqqa qarşı operaśiya rejimın kertü belän bäyle barlıq çikläwlär ğamäldän çığarılğan.

Sobyanin şulay uq waqıyğalar arqasında ğamäldän çığarılğan çığarılış kiçäse tantanasınıñ 1 nçe iyül’dä ütkäreläçägen äytte.

Rusiya terrorçılıqqa qarşı köräş komitetı belderüendä Mäskäw ölkäsendä kertelgän çikläwlärneñ ğamäldän çığarıluı citkerelde.

Rusiyäneñ Voronej töbägendä dä terrorçılıqqa qarşı operaśiya rejimınıñ ğamäldän çığarıluı belderelde.