Putin Katar ämire belän telefonnan söyläşkän
Söyläşüdä ike il mönäsäbätläre häm törle ölkälärdä xezmättäşlekne nığıtu turında süz barğan
2004414
Rusiya Federaśiyäse däwlät başlığı Vladimir Putin Katar ämire Şäyex Tämim bin Xamäd Äl Sani belän telefonnan söyläşkän.
Kreml’ belderüenä qarağanda, Katar yağı iniśiativası belän uzğan söyläşüdä ike il mönäsäbätläre häm törle ölkälärdä xezmättäşlekne nığıtu turında süz barğan.
Şäyex Tämim Rusiyädä 24 nçe iyün’dä “Vagner”nıñ Rusiya xakimiyätenä qarşı fetnäsenä qağılışlı Rusiya xakimiyäte ğamällären yaqlawın citkergän.
Putin Şäyex Tämimne idarä itüeneñ 10 yıllığı häm Qorban bäyräme belän qotlağan.
Söyläşüdä liderlar ike il arasında êlemtälärne däwam itü turında kileşkännär.
