Putin krizistan soñ berençe belderüen yasadı

Rusiyä däwlät başlığı Vladimir Putin “Vagner” krizisı tögällängännän soñ yasağan berençe belderüendä östenlekneñ Ukrainadağı xäräkät buluın assızıqladı. Ul saqlanu ministrlığı wäqalätleläre belän daimi êlemtädä toruın äytep: “Ukrainadağı barlıq plannarıbız tormışqa aşaçaq,”- dide.

Putin 2022nçe yılnıñ fevralennän birle baruçı suğışnıñ üze öçen ähämiyäten añlatu öçen: “Könemne şunıñ belän başlıym, şunıñ belän tögällim,”-dide.

Şäxsi iminlek şirkäte “Vagner”nıñ citäkçese Yevgeniy Prigojin kiçä Rusiyä armiyäsen üzlärenä höcüm oyıştıruda ğayıpläp, moña qarşı cawap qaytaru belän yanadı, suğışçıları Ukrainadan çığıp Rostov töbägenä kerde. Şunnan soñ Federal’ iminlek xezmäte FSB “qorallı fetnä” ğayepläwe belän cinayät’ êşe açtı. Vladimir Putin “Vagner”nıñ fetnäsen “watanğa xıyanät” bularaq bäyäläde. Ä Prigojin başqala Mäskäwgä baraçağın belderde. Kreml’ isä ilneñ bik küp cirlegendä iminlek çaraların arttırdı.

Şunnan soñğı säğat’lärdä Yevgeniy Prigojin Belarus’ ilbaşı Aleksandr Lukaşenkonıñ Rusiyädä kiyırenkelekne kimetü täq’dimen qabul itüen belderde. Ul konvoyların kire bordı häm lager’larına taba yünälde.

Kreml’ süzçese Dmitriy Peskov citkergänçä, Prigojinğa qarata açılğan cinayät’ êşe yabılaçaq häm ul Belarus’qa kitäçäk.