“Bez watanpärwär. Bez suğıştıq häm suğışaçaqbız”

 Rusiya Federaśiyäse däwlät başlığı Vladimir Putinnıñ Rusiya xakimiyätenä qarşı fetnä başlatqan “Vagner” qurqınıçsızlıq şirkätenä nigez salğan Yevgeniy Prigojinnı Watanğa xıyanät itüdä ğayepläwenä Prigojin “Bez watanpärwär. Bez suğıştıq häm suğışaçaqbız” dip cawap birde.

Prigojin “Telegram” kanalında yasağan belderüendä Putinnıñ “Watanğa xıyanät itü” süzläreneñ bötenläy yalğış buluın äytte.

Yevgeniy Prigojin “Vagner” äğ’zalarınıñ patriot buluın häm härwaqıt Watan öçen suğışuların alğa sörep bolay dide:”Ber “Vagner” suğışçısı da üzen ğayeplärgä, däwlät başlığı yäki FSB (Federal’ qurqınıçsızlıq xezmäte ) quşuı buyınça birelergä uylamıy, çönki bez Rusiyäneñ korrupśiya, yalğan häm byurokratiyädä qatnaşuın telämibez”.

İsegezgä töşeräbez: Rusiya qurqınıçsızlıq şirkäte “Vagner”ğa nigez saluçı Yevgeniy Prigojin Rusiya armiyäsen “Vagner”ga höcüm itüdä ğayepläde häm cawap qaytaru öçen êşkä kereşülären belderde.

Monnan soñ FSB (Federal’ qurqınıçsızlıq xezmäte ) qorallı fetnä ğayebe belän cinayät’ êşe  quzğattı.

Rusiya saqlanu ministrlığı “Vagner” lagerlarına höcüm oyıştıruı turındağı däğ’walarnıñ döreslekkä turı kilmäwen belderde.

Rusiya Federaśiyäse däwlät başlığı Vladimir Putin bügen xalıqqa möräcäğatendä “Vagner”nıñ fetnäsen “Watanğa xıyanät” dip bäyäläde.