Trabelsi: “Ğaräp dönyasında 16 million sıyınuçı bar”

Xalıqara Qızılxac oyışmasınıñ Yaqın Könçığış direktorı süzçese Imane Trabelsi ğaräp dönyasında yıllar buyı däwam itüçe bäreleşlär häm qırıslıq waqıyğaları arqasında 16 million keşeneñ sıyınuçı statusında yäşäwen belderde.

Trabelsi 20nçe iyün’ Bötendönya qaçaqlar köne mönäsäbäte belän Yaqın Könçığış häm Tön’yaq Afrikadağı sıyınuçılar häm üz cirlärennän küçerelgännärneñ torışı turında belderü yasadı.

Sıyınuçılar dos’yeseneñ başında Süriyäneñ toruın citkerüçe Trabelsi: "Kürşe ğaräp illäre Yordaniyağa, Ğıyraqqa häm Livanğa sıyınğan süriyäle sıyınuçı sanı 5 millionnan kübräk. Yordaniya häm Livan kebek ğaräp illärendä yäşäwçe sıyınuçılarnıñ wazğıyäte şaqtıy xätär, çönki bu illär üzläre dä awır iq’tisadi barıştan uza,” – dip äytte.

İldäge süriyälelärneñ torışınıñ da hiç yaxşı bulmawın citkerüçe Trabelsi: "Süriyädä xäzerge waqıtta yäşäwçe 22 million keşeneñ 15 millionı törle humanitar yärdämnärgä moxtac wazğıyättä tormış öçen köräşä. Barı tik 12 million süriyäle azıq-tölek belän täêmin itelüdä citdi problemalar yäşi,” – dip belderde.

Töbäktä sıyınuçılar belän bergä êçke immigrant wazğıyätendä millionlağan keşe buluına iğ’tibarnı yünältüçe Trablesi: "Süriyädä üz cirlären taşlap küçep kitkän keşelärneñ sanı 6 million, Yämändä isä 5 million tiräsendä. İllären taşlap kitmägän bulsalar da êçke immigrantlar da bik awır şartlarda yäşi. Sälamätlek saqlaw, çista êçü suı häm töp xezmätlärgä ireşäçäk köçtä tügel alar,” – dide.