Hindstanda 444 awıl su astında qaldı

Hindstannıñ Assam töbägendä köçle yawım-töşem kiterep çığarğan su basularda 30 meñ 700 keşe zarar kürde. İlneñ mediasındağı xäbärlärgä qarağanda, älege keşelärneñ 22 meñnän artığı Lakximpur rayonına turı kilä. Ul su taşqınnarınnan iñ nıq zıyan kürgän cirlek. Hälakät säbäple 7 rayonda 25 yärdäm öläşü üzäge buldırılğan.

Assam töbägendä 444 awılnıñ su astında qaluı, 4 meñ 700 gektar tiräse basu-qırlarnıñ zıyan kürüe belderelde. Monnan tış, qayber urınnarda cir şuışular bulğan, yullar, küperlär häm asqorma cimerelgän.

Hindstan meteorologiyä oyışması Assamnıñ şaqtıy cirlegendä 5 kön köçle yawım-töşem bulaçağın farazlap, “qızıl” xäwef signalı birde.