Äfganstanda 31 nçe avgust milli bäyräm dip iğ’lan itelgän

Äfganstanda Taliban xakimiyäte 31 nçe avgustnı milli bäyräm dip iğ’lan itkän.

Bu xaqta Taliban waqıtlıça xökümäteneñ idarä ofisı xäbär itä. Qarar ministrlar şurasında qabul itelgän.

Älege qarar nigezendä soñğı çit il ğaskäriyeneñ ildän kitüe belän Äfganstannı basıp alu tämamlanğan kön bulğan 31 nçe avgust il külämendä milli bäyräm dip iğ’lan itelgän.

Äfganstan xökümäte belän Taliban arasında däwam itkän tınıçlıq söyläşüläre näticäsez bulğaç 2021 nçe yılnıñ cäyendä yaqlar arasında bäreleşlär köçäyde, Taliban Äfganstan şähärlärendä ber-ber artlı kontrol’ urnaştıra başladı.

Moña parallel’ räweştä NATO qaramağında bulğan Äfganstandağı çit il köçläre dä ğaskärlären ildän çığarunı tizlättelär.

Şulay itep 2001 nçe yılnıñ 7 nçe oktyabrendä başlanğan AQŞnıñ Äfganstannı basıp aluı 2021 nçe yılnıñ 31 nçe avgustında soñğı Amerika ğaskäriyeneñ ildän çığuı belän tämamlandı.