BMO Rusiyäne çaqırdı

Berläşkän Millätlär oyışması Rusiyäne Kaxovka böyäse cimerelgännän soñ kiräkle gumanitar yärdämne iltü öçen üz kontrole astındağı cirleklärgä ireşügä röxsät itärgä çaqırdı.

BMOnıñ Ukrainadağı gumanitar yärdäm koordinatorı Denis Braun beldergänçä, 6nçı iyün’dä Kaxovka böyäseneñ cimerelüennän soñ yärdämnäre êffektiv räweştä iltep citkerü mäs’äläsendä Ukraina häm Rusiyä xökümätläre belän xezmättäşlek urnaştırılğan. “Rusiyä federaśiyäse waqıtlıça xärbi kontrole astındağı cirleklärgä kerü taläben älegä qadär kire qaqtı,”-dide ul. Braun BMOnıñ bu mäs’älädä tırışlığın däwam itäçägen äytte.

“Rusiyä dairälären xalıqara gumanitar xoquq qısalarında üz burıçların ütärgä çaqırabız,”-dide Ukrainadağı gumanitar yärdäm koordinatorı Denis Braun.