Kovid -19 belän awırğan millionlağan keşe täm häm is toyunı yuğaltqan

Kovid -19 belän awırğan 20 millionnan artıq amerikalı is häm täm toyunı yuğaltqan.

“Healthday” xäbärenä qarağanda, “The Laringoscope” jurnalında basılıp çıqqan tikşerenü qısalarında yaqınça 29 meñ 700 keşe belän soraştıru ütkärelgän.

Tikşereneçülär Kovid-19 nı awır kiçerü belän täm häm is sizü säläte yuğalu arasında bäyläneş tapqannar.

Kovid-19 belän awırğan 20 millionnan artıq amerikalı täm belän is toyunı yuğaltqannar häm kim digändä 25%ında bu sıyfatlar kire qaytmağan.

Milli sälamätlek saqlaw soraştıruınıñ 2021 nçe yılğı mäğ’lümatların qullanuçı tikşerenüçelär Kovid-19 belän awırğan qatnaşuçılarnıñ yaqınça 60%ınıñ is häm yaqınça 58%ınıñ täm toyu sıyfatın yuğaltuın açıqlağannar.   

Qatnaşuçılarnıñ 24%ında öleşçä yaxşıru bulğan, 3%tan artığında is sizü torğızılmağan.

Täm sizüne yuğaltuçılarnıñ 20%ında bu sıyfat öleşçä kire qaytqan, 2%tan artığında problema haman da saqlana.