Hindstanda möselmannar bäreleşlärneñ arasında qalğan
Hindstannıñ Manipur ştatında meitei cämäğäteneñ "Planlaştırılğan qabilä” kategoriyäsenä kertelmäwe säbäbe belän başlanğan häm xäzergä qadär yözgä yaqın keşe ülgän qırıslıq waqıyğalarında möselmannar bäreleşkän törkemnärneñ arasında qaldı
Üzäge Qatarda urnaşqan “Al Jazeera” xäbär itüençä, Manipur ştatındağı möselmannar 1 aydan kübräk êtnik bäreleşlärneñ urtasında yäşärgä tırışalar.
Töbäktäge sannarı 20 meñ tiräse dip isäplänelgän möselman cämäğäte üzläre qatnaşmağan tartqalaşudan zıyan kürä.
Töbäk xalqınnan Mohammäd Razauddin “Al Jazeera”gä birgän äñgämäsendä, 3nçe maydan birle bik küp bäreleşne kürülären belderep: "Gel öyıbezne taşlap kitep, kürşe töbäklärdä qalabız,” – dip äytte.
Meitei möselmannarı intellektual’ forumı başlığı Nasir Xan isä möselmannarnıñ Torbung, Kangvai häm tirä-yaqtağı başqa qasabalarda däwam itüçe bäreleşlärdän tiskäre täêsirlänüen belderde.
Xan bäreleşlärdän qaçqan yözlägän keşeneñ qayberäwläreneñ möselmannarnıñ öylärenä sıyınuın citkerde.
Ştattağı xalıq sanınıñ 53%ın täşkil itüçe meitei cämäğäte "Planlaştırılğan qabilä” kategoriyäsenä kertelmägännäre säbäbe belän rizasızlıq cıyınnarın oyıştırğan bulsa, xalıq sanınıñ yaqınça 30%ın täşkil itüçe kukilärneñ dä aralarında bulğan törkemnärneñ moña qarşı çığuı bäreleşlärgä yul aça.
Rizasızlıq çaraları 3nçe maydan birle qırıslıq waqıyğalarına äylände.
4nçe mayda ğaskärgä “ut açu boyırığı” birelgän Manipurdağı qırıslıq waqıyğaları arqasında 40 meñnän kübräk keşe küçep kitärgä mäcbür bulğan.
Hindstanda "Planlaştırılğan qabilä” kategoriyäsenä kertelgän cämäğätlärgä säyäsi wäkillek, uqu yortlarında kvota häm däwlät xezmätkärlege kebek mömkinleklär birelä.
Qanunnarğa kürä, tawlı mäydannarda urnaşularına röxsät birelmägän meiteilär ştatta M’yanma häm Bangladeş möhacirläreneñ artuı arqasında awırlıqlar belän oçraşuın alğa sörä.
