Daniyä xökümäte räiseneñ çığışın robot yaza
Frederiksen şul räweşle yasalma aqılnıñ innovaśion yaqların häm yanawların assızıqlıy
1994464
Daniyä xökümäte räise Mette Frederiksen öleşçä yasalma aqıllı äñgämä robotu ChatGPTnı qullanıp yazılğan çığışın parlamentta uqıdı. Monı ul yasalma aqılnıñ innovaśion yaqların häm yanawların assızıqlaw öçen êşläde. Frederiksen soñğı çorda bik küp bäxäslär uyatqan çat botunıñ ähämiyätenä iğ’tibarnı cälep itte. Ul yasalma aqılnıñ mömkinlekläreneñ ber ük waqıtta sixerläwçe dä, qurqıtuçı da buluın söyläde.
Frederiksen yasalma aqılnıñ sekundlar êçendä çığış tekstı yaza aluın, universitet bireme yäisä xisap äzerläwen äytep bolay dide: “Yasalma intellekt xäzer kiläçäk tügel, çınbarlıq. Ul älegä bez añlıy almağan räweştä cämğıyät’ne üzgärtäçäk”.
