"Qorallar - balalar ülemeneñ berençe säbäbe"

Amerika Quşma Ştatları däwlät başlığı Djo Bayden Aq Yortta uzğan yılnı Texas ştatınıñ Uval’de şähärçegendäge ber başlanğıç mäktäpkä oyıştırılğan häm 19 uquçı belän 2 uqıtuçınıñ ğomere özelgän qorallı höcümneñ yıllığında çığış yasadı.

Xäläl cefete Djil Bayden belän höcümdä yaqtı dön’yadan kitüçelärne iskä alğan ilbaşı qorallanu belän bäyle yasalğan adımnarnıñ citärle bulmawına işarät itte.

Bayden AR-15 törendäge ozın köpşäle mıltıqlarnıñ häm yarım avtomat qorallarnıñ tıyıluı zarurlığın belderep bolay dide: “Çönki bügenge köndä qorallar AQŞta balalar ülemeneñ berençe säbäbe bulıp tora.”

Kongress qorallar belän bäyle aqıllı qanunnar çığarğanğa qadär höcümnärneñ azağına yaqınlaşmayaçağın äytkän Bayden tübändägeçä däwam itte: “Demokratlar häm Cömhüriyätçelär bularaq tügel, ä dus, kürşe, ata-ana häm Amerikalılar bularaq êşkä kereşü waqıtı citte.”

Djo Bayden Uval’dedäge höcümnän birle ildä 650dän artıq kümäk qorallı höcüm oçrağınıñ kürelüenä iğtibarnı cälep itte.

"AR-15" törendäge qoral belän uzğan yılnıñ 24 may könne Uval’de şähärçegendäge Robb başlanğıç mäktäbenä höcüm oyıştırğan 18 yäş’lek Sal’vador Ramos ike sıynıfka kerep, 19 bala belän 2 uqıtuçını atıp ütergän ide.