Soğud Ğaräbstanı astronavtların oçırttı

Soğud Ğaräbstanınnan astronavtlar Ali Karni häm Rayyane Bernavi utırğan ğaläm korabı uñışlı räweştä oçırtıldı. İlneñ xäbär kanalı “Äl-İxbariyä”neñ Twitter akkauntınnan yasalğan belderüenä qarağanda, korab Xalıqara ğaläm stanśiyäsenä taba xäräkät itä.

Soğud Ğaräbstanı uzğan yılnıñ sentyabrendä “2030nçı yılğa baqış” maqsatları qısalarında ğaläm programmasın başlawların xäbär itkän ide. Monıñ belän ğaläm sänäğatennän fayda alırğa häm bu tarmaqtağı tikşerenülärgä öleş kertergä teläwläre citkerelde.

Ğaläm oyışmasınnan 14nçe fevral’dä yasalğan belderüdä isä Rayyane Bernavi beläñ Ali Karninıñ AX-2 ğaläm şatlı belän oçaçağı äytelde. Korabnıñ yılnıñ ikençe yartısında Amerika Quşma Ştatlarınnan xäräkät itäçäge belderelde häm Mär’yäm Firdäwes belän Ali äl-Gamdi isemle astronavtlarnıñ da ğaläm tikşerenüläre mäs’äläsendä öyränü uzaçağı citkerelde.