Sudanda 7 könlek utnı tuqtatu täêmin itelde

Soğud Ğaräbstanınıñ räsmi mäğ’lümat agentlığı SPA xäbärenä qarağanda, Sudan armiyäse belän operativ yärdäm köçläre arasında 7 könlek utnı tuqtatu täêmin itelde.

Soğud Ğaräbstanınıñ Ciddä qalasında däwam itkän söyläşülärdä täêmin itelgän utnı tuqtatu 22 nçe mayda cirle waqıt belän 21 säğat’ 45 minutta üz köçenä keräçäk.

Soğud Ğäräbstanı belän Amerika Quşma Ştatları küzätüe astında tözelgän bu qısqa waqıtlı kileşügä Sudan häm operativ yärdäm köçläre wäkilläre qul quyğan.

7 kön ğamäldä bulaçaq utnı tuqtatu yaqlar röxsäte belän ozaytılırğa mömkin.

Ciddädä söyläşülär däwam itäçäk häm kiläse oçraşularda tınıç xalıq qurqınıçsızlığı, gumanitar şartlarnı yaxşırtu mäs’äläläreneñ qaraluı kötelä.